DC Wokha-i Arms License upload asütsü metetdaktsür

Dimapur, Aenjeti/Jan. 31 (TYO): Deputy Commissioner, Wokha, Orenthung Lotha-i nüburtem dang sangdong ka nung, Wokha District kübok Arms License alirtemi National Database of Arms License (NDAL) nung Arms License tejangja upload süa UIN generate sütsü anogo ya June 29, 2020 tashi atsülangogo, ta metetdaktsü.
Anungji, Arms License alir shirnoksa tang tashi NDAL Portal nung pai indang License register süa mali, parnok ajaki UIN tekeraba nung generate sütsü mechi Deputy Commissioner Wokha indang office nungi form meshizüker 2020 May 31 tashinung agütsütsüla. Latetja aliba anogo sülen UIN maliba Arms License tem ya mabensa akümtsü, ta kasa sangdong ajanga ashi.