ENCSU conference cum sports meet tembangogo

Dimapur, Aenjeti/Jan. 31 (TYO): ENCSU conference cum sports meet shibangba sentong ka Local ground, Longleng nung January 30, 2020 nü agiogo, kong M Shayung Phom, Deputy Commissioner, Longleng ya alakteta jaoker liasü.
Shayung Phom-i iba sentong nung jembiba mapang sentong nung adener dang merenemteti aliba maparen renema inyaktsü asoshi khuret abentsü ajunshi aser lanurtem dang pei tetsü oshi nung jembitsü ajungshia liasü, ta sangdong ka ajanga ashi.
Eastern district tem ya ali rongsen nung kanga takar lir, anungji iba tesem nung aliba nüburtemia state nung tanga tesemtem den kasa inyaktettsü, ta ashi.
Kasa sentong nung Longleng indang Additional S.P, Atopu Sumi-i jembiba mapang, saisapong ya asayar ka tekolok aser temang atema ajangzükba kisüng masü, saka team work, yimya aser tetoktepba tanüla adokdaktsür, ta ashi.
ENCSU saisapong sentong nung Dimapur unit ya ‘overall champion’ liasü. Iba sentong tatembangba ya M.Y. Chusa Chang -Dy. Speaker ENCSU aser Akham Lims -Vice President ENCSU nati nati ketdangsüa agi, kong temeja ken ka Loyem Degree Memorial College Tuensang ajanga aten. Maneni K. Chumseli Aner, Asst-General Secretary ajanga tarur pela agizükba o jembi aser Shou K, Games & Sports Secretary, ENCSU ajanga tepela o jembia liasü.