Northeast nung tzünglu arur

Guwahati, January 31 (Agencies): Northeast India nung taoba hopta ka tashi tzünglu maru, ajisüaka Odisha aser Bay of Bengal temeketlen mopung aonba ajanga tanü nungi Northeast nung tzünglu aru tenzükogo.
Northeast kübok state tenetprong nung tzünglu arutsü aser ibaji talisa Arunachal Pradesh aser upper Assam len kanga arutsü, ta Skymet Weather ajanga metetdaktsü.
Asüng tashi nung tzünglu aruba tajemba akümtsü aser tesem aika nung tsüngpret ayatsü, tsüngmok atentsü aser mopung aontsü.
Iba sülen, Northeast India tesem tulubalen tsüngsang tajungba akümtsü saka February 1 aser 2 anogotem Arunachal Pradesh aser Upper Assam nungbo tzünglu arutsü.