Dimapur nung NISHTHA training tenzükogo

Dimapur, Tsüklai/Feb. 04 (TYO): GHSS, Dimapur nung NISHTHA kübok elementary teachers training tanabuba noklem February 04, 2020 nungi tenzükogo.
Iba sentong nung Addl. Director SCERT, Yevito Sema-i NISHTHA nükjidong nung ajemdaker jembi. Kaketshirtem tajungtiba nung anitettsü asoshi tesayurtem ajungmesoa aser renemshia alitsü mechi NISHTHA training ya agütsür, ta pai ashi. Iba training ajanga tesayurtemi tensa balala azüoka counselor ka ama inyaktettsü aser lenla balala nung developing skills tem tali arangshitsü, ta Yevito Sema-isa ashi.
Dimapur nung NISHTHA training tanabuba noklem nung tesayur 4000 shilem agir, ta paisa metetdaktsü.