Imtiwapang-i Speaker election atema tenüng agütsü

Kohima, February 4 (TYO): Taoba Nagaland Legislative Assembly (NLA) Speaker aser NPF MLA Imtiwapang Aier-i Speaker election nung tokteptsü atema tenüng agütsüogo.
NLA Secretary Dr P J Antony tsüngdang Naga People’s Front (NPF) MLA Chotisuh Sazo aser MLA Khriehu Liezietsu nati Imtiwapang tenüng benok.
February 7 nü NLA Speaker indang election nung NLA Deputy Speaker Sharingain Longkumer aser Imtiwapang Aier na tokteptsü. Yashi Sharingain-i iba election nung tokteptsü atema tenüng agütsüogo.
NLA Speaker indang election atema tenüng agütsüba meyipa agitsü mapangji Bodbar nikongtsütsü 1:00 ako nungi 3:00 ako tashi latetogo.