Modi agizüktsü asoshi Kokrajhar nung ABSU bike rally agi

Brehostibarnü Kokrajhar nung All Bodo Students Union (ABSU)-i ayongzükba bike rally sentong nung kaketshirtemi pei motorcycle nung mener shilem agiba noksa nung angur.

Kokrajhar, Tsüklai/February 6 (Agencies): All Bodo Students Union (ABSU)-i achaayanga Brehostibarnü Assam kübok Kokrajhar jila nung bike rally ka ayogzüka agiogo. Iba rally ya Bodo Accord pelashishia agizükba temaitsü ayongzüka agi.
Maneni iba rally ya Ato Kilonser Narendra Modi pelashishia agizükba temaitsü lir, shiba Hokolbarnü Bodo Accord takok nung züngzüktepba ayuba benjungtsü asoshi arutsü lir.
Iba rally ya Kokrajhar nung SAI complex anasa Titaguri tesem nungi tenzük aser jila süa senzüba sülen Banargaon, Dotma, Serganguri, aser Simbargaon tesem ayimjema ao.
ABSU advisor Khungkra Swargiary-i iba rally tenzükja liasü.
Swargiary-i, Bodoland Territorial Region (BTR) kübok aliba nüburtem kanga pelateper aser BTR Accord züngzüktepa yutetba atema tenüngsang agütsüba sentong nung adentsü asoshi Ato Kilonser pelashishia agizüker, ta ashi.
ABSU lenirtemi Bodoland kübok aliba lokti ajak dang iba benjung nung arua shilem tajung agitsü asoshi mepeshia metetdaktsüogo.