Kiphire nung Mini Soil Testing Lab & SHCS sayatsü

Dimapur, Tsüklai/Feb. 07 (TYO): Department of Soil and Water Conservation, Kiphire kübok Deputy Commissioners Conference Hall nung February 06, 2020 nü Deputy Commissioner Kiphire, Sarita Yadav, IAS ajanga Mini Soil Testing Lab aser Soil Health Card Scheme (SHCS) sayatsü.
Iba sentong nung P. Angming Konyak, SDO (Soil), Seyochung mendenpuba liasü, kong pai portable Mini Soil Testing Lab aser Soil Health Card Scheme indang tongmelang agi rasaa ashi. Iba mini portable oset ya koma amshitsü, ta asüba technical yimyatem Tsuthong, SCA ajanga sayu aser Chumei Yanlem, District Soil Conservation Officer, Kiphire ajanga tepela o jembir sentong tembang.
Iba sentong nung Kiphire district nung aliba Agri & allied department aser lokti tentet balala nungi teshimtetpur dena liasü.