Dimapur nung ATMA senden amen

Dimapur, Tsüklai/Feb. 07 (TYO): Agriculture Technology Management Agency (ATMA), Dimapur indang Governing Board senden ka February 06, 2020 nü DC’s Conference Hall nung mena liasü.
Nagaland nung Agri aser allied sector nung nükla jenti lir, ta Deputy Commissioner aser ATMA Governing Body, Dimapur mendenpuba, Anoop Khinchi-i iba senden nung ashi. Aluyimertem jenjang ajungkettsü asoshi züngsemtem ayongzük aser food processing den follow up training tem tali agütsütsü asoshi ketdangsertem ajunshia liasü.
2019-2020 nung ATMA Dimapur inyaksangshi power point presentation ka iba senden nung BTM, Niuland Block ATMA Demalu Hasnusa-i agütsü.
Maneni kasa senden nung farmer award angur kati pa mapa nung takok anguba indang otsü ashi aser ATMA Dimapur aser Agri & allied department temi teyari lenmang agütsüba asoshia pelaba lemsatepa liasü.