Ayushmann o Anubhav Sinha na longjemtsü

Tsüklai/February 18, 2020 (Agencies): Anubhav Sinha indang Thappad film theatre nung masayadang, pa ya taruba project ka atema screenplay mazüngi züludar aser iba project atema tongtibang cast shimogo.
Sinha indang taruba project nung Ayushmann Khurrana-i tongti shilem agitsü. Taoba küm sayayba Article 15 film nunga Sinha aser Ayushmann na külemi inyaka box office nung takok tulu ngua liasü.
Tang tena longjemer ano otsü tasen ka yanglutsü asalentong yangludar aser iba film ya spy thriller ka asütsü. Iba amala genre nung Ayushmann süshia mesüra Sinha nati kodanga shilem agidanga aser inyakdanga mali, ta otongdar sangdong ka ajanga metetdaktsü.
Taoba mapang, Ayushmann-i interview ka nung, “Ni film balala nung shilem agia aruogo aser iba mapang kü mulung nung, ni kodanga meinyakdangba ka nungang inyaka shilem aginüa bilema liasü,” ta ashi.