Mezüngbuba India-Bangladesh tourism festival amongtsü

Agartala, February 18 (Agencies): Agartala nung mezüngbuba India-Bangladesh tourism festival amongtsü.
Bangladesh aser West Bengal den northeast state balala nungi ministers, MPs, experts, artists, singers, performers, tour operators-i iba benjung nung shilem agitsü, ta tourism department ketdangser kati ashi.
“Nüjiso atema rarartem, yimten lennirtem, kaket zülurtem aser sangro mejemertemi iba benjung nung adentsü” ta paisa ashi.
Swadesh Darshan scheme kübok Centre sorkari iba benjung atema Rs 165 crore lemzüktsüogo, ta Tripura Tourism department secretary Gitte Kirankumar Dinkarrao-ia ashi.
Union Tourism Ministry-i Swadesh Darshan scheme kübok taoba küm pungu tsüngda Northeast state tem nung mapatong balala atema Rs 1,400 crore lemzüktsüogo, ta Union tourism minister Prahlad Singh Patel-i metetdaktsü.