Okadak ajanga CBI dang kuli kaket kar agütsütsü tuyu

New Delhi, Tsüklai/February 18 (Agencies): Delhi nung okadaka ka ajanga Mongolbarnü CBI dang P Chidambaram aser par jabaso Karti na nem kuli kaket kar aser INX Media ochi mashi ken o indang charge sheet agütsütsü tetuyuba agütsüogo.
Special Judge Ajay Kumar Kuhar-i, INX Media ochi mashi ken o angadangba mapang CBI nem iba tetuyuba agüja liasü. Okadak ajangasa Enforcement Directorate-i senotsü ochi meshi amshiba dak sendakba nung ken o benoka aliba angadanga liasü.
Chidambaram’er kinungertem ken o angdangba mapang densema liasü.
INX Media ochi mashi ken o nung Central Bureau of Investigation (CBI)-i Chidambaram apuba sülen August 21 nü pa custody nung ayu.
October 16 nü pa ED-i senotsü dak sendakba nung ken o balaka nung apu.
Iba sülen anogo trok lir October 22 nü Suprem Court-i, CBI-i benoka aliba ken o ka nung pa nem bail agütsü.
Anogo 105 custody nung ayuba sülen December 4 nü ED-i ken o benoka aliba dak sendakba nung Chidambaram nem Supreme Court-i bail agütsü.
Kasa mapang nung Karti-a ken o anaprongla nung bail agütsür lir.
2007 küm Chidambaram finance minister aliba mpang INX Media-i bendanglen nungi sen crore 305 agizükba nung Foreign Investment Promotion Board inyakyim mishidak aliba putetba sülen CBI-i 2017 küm May ita 15 nü ken o ka benok.
Iba sülen ED-i senotsü ochimeshi amshiba ken o ka benok.