ZTC tentettsü benokba ZPO-i magizüker

Dimapur, Tsüklai/February 18 (TYO): Peren District Nagaland kübok aliba Zeliang nunger lokti tematiba Zeliang People’s Organisation (N)-i, 21/2/2020 nü Jalukie nung Zeliang Tribal Council (ZTC) ta nüngja agütsü lokti ka tentettsü soshi benokba ya Zeliang nungertemi magizüker, kechiyong iba ya jurila aser yimden yimsüsüba tsütsü ajangzüktsü asoshi inyakyim ka lir aser iba ajanga kin yimjung, tesunep aser telungjem nung lia aliba raksatsütsü, ta ashi.
Anungji ZTC tentettsü asoshi tongti shilem shirnokisa agidar parnoki khuret ajak abentsü, ta ZPO tir Ramdi Meru aser Gen. Secretary Kirpeube Zehuny nati sangdong ka ajanga metetdaktsü.