Mokokchung nung Mentorship Development Seminar aka

Mokokchung, Feb 18 (TYO): “Mentorship Development” onük dak ajemdaker yangi Mokokchung Town Baptist Arogo conference hall nung tenzükertem asoshi shisatokden sentong tajung ka ayongzüka kaogo. Iba sentong ya MTBA Youth Department aser Northeast Alliance for Leadership Education & Social Transformation (NEALEAST) na lungjemer ayongzük.
Shisalen sayur Boston (USA) nungi Rev. Dr. Abraham Lincoln (Longri) aser pa temeim kinungtsü Dr. Liz Lincoln nadi omen nung ajemdaker tesayur/tenzüker ka dak alitsüba sobutsütem indang teratet den teinyaktsü wadang balala lemsatepa liasü. Iba sentong nung lanur teimba sür teshimtet nisung 50 shi adenshia telok 6 küma lemsar shilem agia aden.
Iba sentong nung NEALEAST President Rev. Dr. Takatemjen, MTBA Pastor Rev. Ponen Longchar, MTBA Youth Evangelist Monglier parnokia shilem agia liasü.