Dimapur nung Plywood Units mita aoer

Dimapur, February 19 (TYO): Bodbarnü Forest ketdangser telok kati Dimapur district nung Plywood Unit asem-i Changki Valley Forest Products, Tenyiphe, M/s Angami Ply, Tenyiphe aser Akash Wood Products, 7th Mile mita ao.
Nagaland nung ozüng alema süngpak maparen inyakba aser shibelenba azüoktsü atema süng dak sendakba industry tem mita aoer.
Tanü Lhoubeilatuo Kire, IFS, ACS to Chief Minister-i anir HoFF, Dept. of Envt., Forests & Climate Change, Nagaland ketdangsertemi unit asemji mita ao.
Changki Valley Forest Products, Tenyiphe, M/s Angami Ply, Tenyiphe aser Akash Wood Products, 7th Mile nung stock verification asüdang, parnoki yua aliba süng den meputepi aliba bushitet.
Iba atema Lhoubeilatuo Kire, IFS-i Nagaland Forest Act, 1968 aser Tree Felling Regulation 2017 kübok plywood unit asem nem osang agütsütsü tetuyuba agütsü.
Ozüng alema inyakba atema Department-i license anentsütsü mesüra meyipa agitsü ta Kire-isa ashi.
Paisa Forest ketdangsertem dang HPC Cleared Units aser non-HPC units ajak mita aotsü metetdaktsü.
Tanü Dr. Kenei Miachieo, IFS, CF (STC), Jongpong Walling, Range Officer Dimapur, Imkongsunep, Range Officer Chumukedima aser forest executive staff 18 tashi Kire meiner senzü.