DAABPF-i DNSU pusemer

Dimapur, February 24 (TYO): Dimapur Naga Student Union (DNSU)-i kanga dang tasü itta Commissioner of Excise, Dimapur dang anogo 7 tsüngda yi ayokdak shibangtsütsü mapang atakzüktsüba atema tenüngsang agütsür, ta Dimapur Ao Baptist Pastor’s Fellowship (DAABPF)-i metetdaktsüogo.
Yi ayokdak shibangtsüba ya tangatetba shitak aliba senso shiai aginüba lir aser talisa State ajungalen arogotemi iba atema ola adoker, ta DAABPF-i ashi.
Yi ajanga kibong aika raksatsüogo, loktiliba nung timtem agütsür aika adokdaktsüogo aser lanur taküm aika samatsür, ta DAABPF Tir Lipok Jamir aser Tezülur L. Panger nati sangdong ka nung ashi.
DNSU-i mapa tajung inyakba atema sarasademtsüba den pusema nungittsü. Iba mapa mekümtet tashi tanga arogotemia sartasademtsütsü mepishir, ta DAABPF-isa metetdaktsüogo.