Chief Wildlife Warden-i jangjashitsür

Dimapur, Tsüklai/February 25 (TYO): Chief Wildlife Warden, Vedpal Singh IFS-i sangdong ka ajanga, osang tejangja mangazükba, talisa yimdak yimtsüngtem nung alirtem Nagaland kübok arem shiruru aser ozü akhatsü asoshi kecha tenokdangba mali ta bilemba aiben ajangshia arudar, ta ashi.
State sorkari 18th Dec 1981 küm Wildlife Protection Act 1972 agizükba kübok aremshirur aser ozü akhatsü khenyongi memelar, aser iba ya ozüng alem lir ta office sangdong ka ajanga jangjashitsü. Act küboki maitbaji, koya tapu kar lir mesera shiruru khar akhatsü asoshi temelaba meshitsü atema kasa act nung shisema lir. Iba dak alaka tanga shiruru akhatsü asoshi kecha temelaba agüja mali.