Sorkari ajangtetba sayua kaket ka adoktsü

Dimapur, Tsüklai/February 25 (TYO): PDA sorkar kümteter küm ana ajungba tenüng nung tenüngsang agütsüba sentong ka Dimapur nung March 9, 2020 nü agitsü. Taoba küm ana tsüngda state sorkari ajangtetba kaket ka renemdar, koba iba anogo sayatsü.
Iba dak sendakba nung department ajak dang pei department-i ajangtetba tem osang, soft copies den hi-definition noksa aser captions keter Chief Minister’s Office Media Cell nem temonuba agi February 29, 2020 tashi nungbo agütsütsü metetdaktsüogo.
Department-isa, taoba küm ana indang Annual Administrative Reports den soft copies aser hi-definition noksa agütsütsü metetdaktsüogo. Kuli kaket aser noksa ajak pda2years@gmail.com dangi Honibarnü, February 29, 2020 tashi nung agütsütettsü.