Excise department-i Dimapur nung yi apu

Dimapur, Tsüklai/Feb. 26 (TYO): Dimapur telungzük aser temeket tesemtem nung yi nokdangtsü aser yi ayoker aputsü mechi Excise department ajanga unit asem – Narcotic cell, Mobile squad aser District Excise Dimapur – lungjemer February 25, 2020 nü yi ayoker südi ta temulung melemi aliba tesemtem, restaurant, lounges aser hotel amala tesemtem mita bushia liasü.
Iba mapang NLTP Act 1989 kübok aibelener nisung 29 anema ken o benoka tapet temerenshi agütsü, ta sangdong ka ajanga metetdaktsü. Iba operation agiba mapang IMFL (Rum, Whisky, Beer, Gin, Breezer, Brandy, Wine etc) tabu balala bottle 2017 nguteta liasü. Kasa sangdong ajanga ashiba agi, ozüng alema yi ayokba aser iba amala mapa inyakertem nem Excise department ajanga tapet temerenshi agütsütsü.
Yi ayokba nokdangtsü mechi mapang shia department-i anir tesem balala maneni mita aotsü, ta Commissioner of Excise, Nagaland sangdong ka ajanga metetdaktsü.