Northeast nung tzünglu maneni arutsü

Guwahati, February 26 (Agencies): Bihar aser temeket nung mopung tesashi aonba ajanga Sikkim, Arunachal Pradesh, Assam aser Meghalaya nung Bodbarnü tzünglu arutsü, ta Skymet Weather-i metetdaktsü.
Maneni, Birhostibarnü Northeast nung tzüngsang majungtsü ta parnokisa ashi.
Hokolbar aser Honibar anogotem Western Himalayan Region nung rüjeb alatsü aser tzünglu tulu arutsü.
Northeast nung taoba anogo ishika tzünglu arur aser tesüiba ghonda 24 tsüngda northeast state ajak nung tzünglu teimba aruogo.
February 28 tashi nung Northeast ajungalen tsüngsang tajungba akümtsü, ta Skymet Weather-isa metetdaktsü.