Ciethu Ciechama Airport atema ali talila nüngdaker

Dimapur, February 26 (TYO): Ciethu Ciechama Airport aetma ali acres 368.5201 nüngdaker ta Kohima Deputy Commissioner, Gregory Thejawelie NCS-i metetdaktsüogo.
Iba ya Kohima district kübok Ciethu, Ciechama nung dang asütsü, ta paisa ashi.
Nagaland Land Requisition Acquisition Act 1965 nung Arrla 9(2) ajanga tashi agütsüba nung ajemdaker Kohima Deputy Commissioner-i iba tesem atema kija/telok kari ashishitep onüktem lira, anogo 30 tsüngda DC office nem agüjang ta sangdong ka nung metetdaktsü.