CHC Tuli nung Free Cataract Surgery Eye Camp agitsü

Dimapur, Tsüklai/Feb. 27 (TYO): Community Health Centre, Tuli nung March 2-7, 2020 anogotem angadi Cataract Surgery Eye Camp ka agitsü, ta CMO Mokokchung, Dr. R. Chubala Aier ajanga sangdong ka nung metetdaktsü.
Iba sentong ya State Programme Officer tawabangba kübok National Programme for Control of Blindness and Visual Impairment (NPCB&VI) Nagaland ajanga ayongzüktsü.
Anungji iba tesem aser temeket nung aliba nüburtem camp mapang angadi tenük reprangdaktsü ajungshir, ta Mokokchung CMO office ajangasa metetdaktsü.