Sharingain-i Lok Sabha Speaker Om Birla ajuru

Kohima, February 27 (TYO): February 26, 2020 nü Nagaland Legislative Assembly Speaker, Sharingain Longkumer-i Lok Sabha Speaker Om Birla, Parliament nung pa indang office nung ajuruogo; senden amendang tenati state assembly aser Parliament dak sendakba külem onük kar nung o lemtepa liasü, ta Brihostibarnü Additional Secretary, Jenny Ndang-i sangdong ka nung metetdaktsü.
Sharingain Longkumer-isa Lok Sabha Secretariat’s Training & Research Division, PRIDE ajanga Kohima nung state assembly nung züngsemtem atema Orientation Programme ayongzüka katsütsü atema süoka jembi.
NLA Speaker-isa PRIDE-i yaria Delhi aser Kohima naprongla nung Secretariat Staff tem atema training maongka tali agütsütsü nüngdak, ta shiogo.
Paisa India sorkar indang e-Governance & Digital India initiatives kübok Nagaland Legislative Assembly nung paperless Assembly project- E-Vidhan programme benoka inyaktsü atema jembi, kechiyong tang nodal institution ji Lok Sabha Secretariat lir.
Ajioda Lok Sabha Speaker-i akokba tashi nungita yaritsü aser amalitepa inyaktsü, ta Sharingain Longkumer nem metetdaktsü.
Training and Orientation Programmes jibo kobi melii agitsü imlar.
NLA Speaker den Assembly Secretary, Dr. P. J. Antony aser Assembly Legal Consultant, N. Benjarnin Newmai na densema liasü.