Congress MLA Ali assembly nung medendaktsü

Guwahati, March 2 (Agencies): Hombarnü Assam assembly speaker-i Congress MLA Sherman Ali senden nung medendaktsü.
Baghbar nungi MLA Ali-i question hour mapang NRC indang state co-ordinator inyaktsü atema Hitesh Dev Sharma shimba onük benok.
Sharma-i NRC coordinator ka ama meinyaktsüla kechiyong nübortemi pa dak temulung malemer, ta Ali-isa shisem.
Ali-i iba onük maneni jembi aser idangji speaker Hitendranath Goswami-i joko iba onük mejembitsü ta ashi. Ajisüaka, Ali-i iba onük atema maneni toktep.
Iba jagi Speaker Goswami-i tanü atema Congress MLA Ali senden nung medendaktsütsü lemtet aser House toktsür aotsü tetuyuba agütsü, saka Ali-i tashi mangaba agi marshal temi pa kimai anir alu.
Pa senden nungi meindokba ajanga iba sorkar indang tashiyim aser ozüngi memelaba mapa inyaktsü tangatetba aliba jungkai adoka sayur, ta Ali-i osangbener dang ashi.