GMS Lower Chandmari küm 10 jungogo

Kohima, Mestüremi/March 02, 2020 (TYO): Government Middle School (GMS) Lower Chandmari Colony, Kohima tenzüker küm 10 ajungba nüngtem nung Hombarnü School Auditorium kübok sentong ka ayongzüka agia liasü. Sentong nung School Management Committee,Chairman Thungbemo Mozhui-i 2010 nungi 2020 tashi school dak sendakba osang balala tatsü agi metetdaktsü.
Ward-13 Council, Chairman, Lhouliebei-o Khezhei-i jembiba mapang pai, iba school ajungkettsütsü atema SMC züngsemtem, tesayurtem aser kaketshirtem dang bendanga agüja aser meranga iyaktsü asoshi tayongzükba agütsü.
Pai, tashitemeteter tajung ka akümtsü mechi, D 3, koba ‘Discipline’, ‘Dedication’ aser ‘Devotion’ asütsü, item sempet pei shisatsü aser mulungjang nung yur benshitsüla, ta ajungshia liasü.