Kohima DC-i metetdaktsür

Dimapur, Metsüremi/March 2 (TYO): Fire & Emergency Services Nagaland kübok Regional Emergency Management Training Centre (REMTI) atema Regional Response Centre (RCC) ka aamenoktsü asoshi Kohima district kübok Chiechama nung ali 30351.423 sqmts/326700 sqfts/7.50 acres talila agisemtsü nüngdaka akümba Deputy Commissioner Kohima Gregory Thejawelie NCS-i sangdong ka ajanga metetdaktsüogo.
Iba dak sendakba nung Section 9(2), Nagaland Land Requisition Act 1965, Acquisition Act 1884 kübok state sorkari tashi agüja aliba dak ajemdaker DC Kohima-i pa tashi benshia, iba tesem nung nisung kari danga tashishiba lira Deputy Commissioner Kohima Office nung iba osang agütsüba anogo (February 27) nungi tenzüka anogo 30 tsüngda osang agütsütsü asoshi metetdaktsüogo.
Schedule : North – Lhouchalie Sogotsu, South – Agri Link Road, East – Khriekuolie Metha aser West – Fire & Emergency Services Department.