Mokokchung nung Census training agiogo

Dimapur, Metsüremi/March 02 (TYO): ADC (Planning) Conference Hall, Mokokchung nung ananü (February 28-29) district aser charge Census Officer Mokokchung District pur training agia liasü.
Imkongnungsang, Deputy Director Census Operation, Directorate of Census lenisüba kübok shisalen sayur pezü dener iba training ya agi, kong Deputy Commissioner, Mokokchung, Limawapang Jamir-i okila o jembi aser census ketdangsertem dang pelaba lemsatep aser shisalen sayur dang nungi tajungtiba nung census inyakyim angazüktsü asoshi district nung aliba census ketdangsertem ajungshia liasü.
Deputy Director, Imkongnungsang ajanga census 2021 aser Nagaland Population Register (NPR) indang benoka jembiba den census operation inyakyim balala indang tongmelang agi ashi. Iba training nung shisalen sayur ajunga ya Directorate nungi liasü aser parnoki Census dak sendakba onük balala nung power-point presentation agüja liasü.