MIP-i jangjashitsür

Dimapur, March 6 (TYO): EastMojo nung March 9, 2020 nü New Delhi nung senden amentsüba osang ka prokshibaji tiyazü ta MIP-i metetdaktsü.
NSCN-i iba senden amentsüba osang kecha memetet. Framework Agreement (FA) dak sendakba nung onoki RN. Ravi dang ashibaji India sorkari jungjunga meteta alitsü. Anungji, Ministry of Home Affairs (MHA)-i tamendakdak melii inyaksangshi masütsü metetdaktsür ta MIP sangdong nung shia lir.