Kohima DC-i metetdaktsür

Dimapur, Metsüremi/March 9 (Agencies): Kohima Deputy Commissioner Gregory Thejawelie-i sangdong ka ajanga, lenmang tezülen gari shitokba, ki asütsü asoshi long, lisem, longru amala osettem, tatsüktsü sung, au, ali tuteta toktsüba ajanga kilentsü nokdanger aser iba ajanga public lenmang aser highway tem raksatsüba den gari senzüsenpongtsü asoshi mesademi kümdaktsür, ta ashi.
Nüburtem aser ki o jen kümzüka ayutsü asoshi kisütsü asoshi belener aruba osettem nikongtsütsü 6:00 ako nungi anepdang 7:00 ako tashi nung lenmang nungi agientsü metetdaktsü. Kasa mapang nung temelaba magi tzü pipe aser cable abentsü asoshi lenmang tusatsü memelar; tzü pipe lenmang adena anüng nungi abenba agientsüla; ozüng alema ‘No Parking’ sign boards aser hoardings tokja aliba ajak agintsüla; Off road garitem ajak atsüngintsüla; Ki asütsü asoshi belener aruba osettem, talisa slab casting/dahlia asütsü asoshi oset aika belener arua ayubatem temelaba magi lenmang nung bener arua ayutsü memelatsü aser cable aremtsü asoshi ketdangsertem nungi temelaba agitsüla.
Kasa tetuyuba nung, item tetuyuba sülen manidakertem nem temerenshi agütsütsü aser osang kecha magütsüi lenmang nung yua aliba osettem agientsü, ta metetdaktsüogo.