Lieutenant General RP Kalita-i Arunachal Angh den ajurutep

Kohima, Metsüremi/March 10, 2020 (TYO): Raj Bhavan, Itanagar nung March 08, 2020 nü Lieutenant General RP Kalita, AVSM, SM, VSM, General Officer Commanding Spear Corps-i Arunachal Pradesh Angh, Brig (Dr) BD Mishra (Retd) den ajurutep liasü, ta PRO (Defence) sangdong ka ajanga Lt Col Sumit K Sharma-i metetdaktsü.
Iba senden nung Corps Commander aser Angh nati Arunachal Pradesh aser iba state den arrtsü aliba tesemtem nung security tensa maparen indang jembitepa liasü. Iba state nung yimjung aser tesünep lidaktsütsü mechi Indian Army-i mera tajungtem agiba ajitetta General Officer RP Kalita-i Brig (Dr) BD Mishra nem tenüngsang agüja liasü.
Maneni, Arunachal Pradesh nung nüburtem atema pei taküm bendanga agüja mapa tajung inyaktsüba atema Angh-i Indian Army danga pelba metetdaktsü, ta kasa sangdong ajanga metetdaktsüogo.