NDFB telok asem loksaogo

Guwahati, March 10 (Agencies): Hombarnü Udalguri district nung designated camp ka nung National Democratic Front of Boroland (NDFB) telok asem loksaogo.
Centre aser Assam sorkartem den yimjung tenangzüktep ka agiba sülen NDFB telok asem loksa ogo.
NDFB telok asemji-i Dhiren Boro, Ranjan Daimary aser B Saoraigwra nungertemi aniba teloktem liasü aser parnoki ‘joint disbandment ceremony’ ka nung iba osang metetdaktsü.
Iba sentong ya Sonai NDFB designated camp nung ayonga agi.
“NDFB ya October 3, 1986 nü Boro nunger aser Assam nung tanga lisopurtem salatsü atema tenzük” ta NDFB (D) ex-president Dhiren Boro, NDFB B (Ranjan Daimary) ex-general secretary Ohnjalu aser NDFB (S) ex-president B Saoraigwra nungertemi külem sangdong ka nung ashi.
NDFB-i yimten tebilemtsütem angatetteptsü atema 2005 nung ceasefire agreement nung sign asü, ta parnokisa ashi.
“Küm 12 tashi sorkar den olemtepa aruba sülen January 27, 2020 nü tebilemtsütem angatettep. Anungji, NDFB telok asemi tanü onok telok loksaa aotsü mulunga lemtetogo” ta par asemisa metetdaktsü.
“Yimjung tenangzüktep sülen prangpong amer raraba anenogo. Anungji, tensa tajungba kümdaktsütsü aser yimjung bener arutsü atema onoki ozüng alema inyaktsü tangatetba melenshitsü” ta NDFB lennirtemisa ashi.