2015 NSF Trophy: VFC, TK, MVSU & NM XI nungeri takok angu

New Market XI aser Zhavame SU Phek asayartemi NSF asyamong nung tanü Hombar nü shilem agiba noksa ka yangi angur. (Kohima, September 21)

Kohima, September 21 (TYO): Veracious FC (VFC), Phek; Tiema-Khe (TK), Kidima; Medziphema Village Students’ Union (MVSU) aser New Market (NM) XI nungeri takok ngua tang tasayadak 16 buba NSF Martyrs’ Memorial Trophy asayamong 2 buba asayatsü jenjang tanü Hombar nü ajangzükogo.
Tanü mezüngbuba asaya nung VFC teloki goal 6-0 agi Flamers FC Kohima telok tsükdaktsü.
Ripre Wetsah aser Weshekok Mero nati goal anana aser Wede Mero o Mheruwe nati goal ka ka agütsüba ajanga par teloki goal 6-0 agi tanü takok angu.
TK telokia goal 9-0 agi Junior Anchor Club Kohima madak tanabuba asaya akok.
Sorhosül Pucho-i tanü asaya tenzüker second 18 buba nung par TK telok asoshi mezüngbuba goal agüja tan asayamong nung tekaraba mapang nung goal agütsür asayar aküm.
Sorhosül-isa minute 6 aser minute 16 buba na nung maneni goal 2 agüja tan asayamong nung hat-trick mezüngbuba yanglur asayar küma pai tanü otsü tasen 2 tashi yanglua liasü.
Külem asayar, Zadutol Phinyo-ia minute 12, 22 aser 44 buba nung goal 3 tashi agüja tan asayamong nung 2 buba hat-trick yanglur asayar aküm.
Sorhosül-i maneni minute 28, 66 aser 68 nung goal 3 tashi agütsüba yong pai tanü asaya nung hat-trick 2 tashi yanglua liasü.
Vikhrie aser Kikrukhrielie nati goal ka ka agütsüba ajanga par MVSU teloki goal 2-1 agi Dihoma Village SU telok madak tasembuba asaya akok.
Rovisie Yashü-ia par Dihoma telok asoshi goal 1 agütsü saka par teloki tanü tamakok angutsüsa aküm.
Osen Longkumer, Achamo Shitiri, Velukho Rhakho nungeri goal ka ka aser Yhunshalo Kemp-i goal 1 agütsüba densema par NM XI teloki goal 5-0 agi Zhavame SU Phek telok madak pezübuba asaya akok.

September 22 nü asaya yamai alitsü:
Taurus FC Kohima vs Addax FC @ 9:30AM
Meriema Village YO vs Venns United FC Kohima @ 11:00AM
Khulioh King Tuensang vs Katakhrie @ 12:30PM
Kohima Science College vs Kings FC @ 2:00 PM