Mangkolemba nung Medical camp aka

Dimapur, Metsüremi/March 16 (TYO): Mokokchung district administration aser District Level Centre for women DLCW-MSK-i achaayanga Beti Bachao Beti Padhao kübok CHC Mangkolemba block nung March 14 nü tetsür aser tetsür tanurtem atema angati medical camp ka ayonga agiogo.
Medical camp nung tetsür 150 shi temang anepaluogo. Doctor tem rongnung Dr. Aonungdok SMO, Dr. Supongmeren IMDH Mokokchung, Dr. Martula MO PHC Longchem, Dr. tiasenla Dental Surgeon CHC Mangkolemba, Sangyujenla CHC Mangkolemba densema liasü aser parnok den CHC Mangkolemba pharmacists aser nurse temi temang anepaluba nung teyari agüja liasü. Medical team den külemi EAC Sentilong Ozukum aser DLCW ketdangsertemi iba camp nung shilem agia liasü.