Home Department ajanga state nung Biometric anenja atar

Dimapur, Metsüremi/March 16 (TYO): Principal Secretary (Home) Abhijit Sinha, IAS ajanga March 16, 2020 nü sangdong ka nung, tang nungi tenzüka tarutsü nung totuyuba magütsü tashi State sorkar office ajunga aser Nagaland Civic Secretariat nung Aadhar enabled Biometric Attendance System (AeBAS) nung ajemdaker Biometric attendance agiba anenja atar, ta metetdaktsüogo.
AHODs/HODs ajaki taoba mapang ama Biometric attendance system anena alidang tekeratiba nung mapa inyakertem mapai aruba attendance register nung zülutsü mera agitsüla, ta sangdong nungsa metetdakja lir.