JCPI-i RIIN ken o jembitsü senden ayonger

Dimapur, Metsüremi/March 16 (TYO): Tribal apex bodies aser CSOs tem den February 18, 2020 nü JCPI senden ka mena lemtetba ama Government of Nagaland nem February 24, 2020 nü tezüluba nung takhangba ka agütsü.
Iba tezüluba nung Banuo Commission report nung 1963 ya cut-out year ta shia aliba aser BEFR 1873 kübok 1979 cut off year agienba nung ajemdaker RIIN atema sangdong tasen agütsütsü takhangba agütsü, ta JCPI sangdong ka ajanga metetdaktsü.
Maneni Abhishek’s Committee report nung shia aliba ama ILP mapa küma inyaka aotsü aser Foreigners Act 1946 kübok Foreigners Tribunals amenoktsü takhangba agütsü.
Item maparen tenzüka aotsü asoshi anogo sükzüktsüba, March 15, 2020 süiaka sorkari mapa kecha meinyak, anungji iba maparen dak sendakba ken o jembitsü asoshi March 19, 2020 nü tribal apex bodies aser CSOs tem ajungben senden ka amentsü.
Iba senden ya Conference Hall, Tourist Lodge nung anepdang 11:00 ako nungi tenzüktsü, anungji lenir ajak iba senden nung medema arua adentsü mepeshir, kechiaser iba senden nung asenok taruba mera agitsü atema telemtetba agitsü, ta kasa sangdong ajanga metetdaktsü.