Wokha District nung COVID-19 training agiogo

Dimapur, Metsüremi/March 19, 2020 (TYO): Deputy Commissioner Conference hall, Wokha nung March 18, 2020 nü Health & Family Welfare department Wokha-i Corona virus (COVID-19) training ka ayongzüka agia liasü, ta sangdong ajanga metetdaktsü.
Iba training nung Chief Medical Officer Wokha, Dr. C.W. Tungoe-i, district (Wokha) nung medical ketdangsertem, nurse tem, külem sendaktepa alirtem aser paramilitary ketdangsertem iba tashidak adokba mapang renemshia alitsüba aser nüburtem tsüngda tekümdangtsü sangdongtsü mechi iba training ayongzüker, ta ashi.
Pai, district administration den medical staff tem longjemer entry point balala nung nisungtem dak tetendangba agidar, ta metetdakja liasü.
Dr. N. Thungbemo Patton, DSO IDSP aser Dr. Khesheli, Epidemiologist, IDSP nati iba tashidak menatepba aser nokdangtsüba, tendangtsüba, nija atema amshiba tekümzüktsü osettem nung clinical case management & demonstration, cluster containment strategy aser community surveillance, temüket libajen merüka ayuba, disinfection & bio-medical waste management, aser PPE (Personal Protective Equipment) semokba aser semzüka endokba yimyatem indang onük nung jembia liasü.
Dr. Zuben Kikon, Dy CMO-i, distrcit nung iba tashidak aketba temulung melemi bilema alir atema thermal scanner aser isolation ward tem renemja lir, ta metetdaktsü.
Deputy Commissioner, Wokha Orenthung Lotha-i medical staff tem dang pei posting nung alitsüla aser tang atalokba tensa osangtem anashidang nüburtem dang maoksai alitsü metetdaktsütsü asoshi ajungshia liasü.
Tekümdangtsü meratem agitsü mechi Bhandari, Sanis aser Baghty tesem nung shishilembaba (market) shibangtsüogo, ta pai metetdaktsü.
Administration, medical aser paramilitary ketdangsertemi March 22, 2020 nü arogo balala nung corona virus dak sendakba nung ajemdaker awareness sentong achaayanga agitsü, ta Orenthung-i shisem.