NBOCWWB senden menogo

Dimapur, Metsüremi/March 19 (TYO): Nagaland Building and Other Construction Worker’s Welfare Board (NBOCWWB) atema Dimapur District Task Force senden March 13 nü menogo. Additional Deputy Comissioner & Chairperson, NBOCWWB, V. Lovitoly Sema lenisüba kübok iba senden amen aser pai Dimapur district kübok NBOCWWB registered beneficiaries asadangba aser asüngtetba indang onük benok.
Senden nung sensak asemba sülen, registration aser renewal mapang züngoksema aliba beneficiary tem nem parnok registration aser renewal asüba mapang parnoki agütsüba osang ajak shitak ta jangjashija ozüng kübok kuli kaket ka nung sign südaktsütsü aser iba den contractor indang certification letter den contractor tem indang NBOCWWB registration certificate photocopy ka agütsüdaktsütsü lemtet.
DTF-isa, scholarship atema apply asürtem apply aser renew asüba mapang parnok dang osang jangjashitsü asoshi tanurtem indang original record book meshitsü lemtet koba April 30 nü tashi nungbo tembanga inyaktsüla. Renewal inyakyim tembangba sülen temulung melemi bilemba beneficiaries tem tsüngdong arua asadangtsü asoshi jaoktsü.
Senden nung Assistant Labour Commissioner-i registration inyakyim aser guideline tem metetdakja liasü.