KMC-i jana mashi mintoktsü mepeshi

Kohima, Metsüremi/March 22 (Agencies): Kohima Municipal Council (KMC)-i sangdong ka ajanga ashiba agi, Corona virus amala tashidak pokteter timtem nung aliba mapang nunga janajari intokba menokdangteter.
KMC administrator, Kovi Meyase-i, KMC kübok merekmejurtem kidang nungi inyaktsü asoshi maongka mali aser parnok kibongtem mesütsü aser yimti mereka aser tekümzükba nung toktsütsü nüngdaker, ta ashi.
Iba dak sendakba nung Meyase-i nüburtem dang, tang amala tensa majungba mapang kidang janajari indokba yimya azüoka KMC nem teyari agütsütsü aser merekmejurtem mapa tepongbaba kümdaktsütsü mepeshia metetdaktsüogo.
Meyase-isa, nüburtem dang tissue, santizer bottles aser mask amala mashi mashi mindoktsü mepeshia metetdaktsüogo.
Kidang nungi janajari tali tatokdaktsü aser liquid soap sanitizers tema tanaben amshitetba dispenser tem amshiang, ta pai mepishiba den nüburtem dang jana bendanga endoktsü aser takok tashi osettem tanaben amshitsü meranga janga tajemba kümdaktsütsü merangang ta ashi.