Deputy Commissioner, Dimapur-i gari kibur dang metetdaktsür

Dimapur, Metsüremi/March 22 (TYO): COVID-19 tashidak wara prokshiba mechi Deputy Commissioner, Dimapur, Anoop Khinchi-i district nung bus, taxi, autorickshaw, tetsüng ana aketba gari tem densema nüburtem aser nijatem anishiba gari kibur dang mapang shia gari seat, door handle, railing, surfaces amala mürektsü aser disinfect asütsü totuyuba agütsüogo.
Maneni DC-isa municipal council, Town Council aser Urban Stations ajak dang mapang shia nüburtemi amshiba tesemtem mürektsü totuyuba agütsüogo.
Maneni COVID-19 tashidak wara nungi jenbua alitsü mechi Deputy Commissioner, Dimapur, Anoop Khinchi-i Aadhaar Enrollment Agency kübok temeyong amshia biometric record agiba maparen ajunga khen asoshi anena atatsü totuyuba agütsüogo.