Ambulance indang osang tejangja agütsütsü tuyu

Dimapur, Metsüremi/March 23 (TYO): Epidemic Disease Act 1897 kübok Nagaland Epidemic Disease (COVID-19) Regulations, 2020-i tashi agüja aliba dak ajemdaker Department of Health & Family Welfare-i Ambulances (private and NGOs) amshirtem ajak dang ambulance (vehicle registration number, type, capacity, tenüng aser contact driver aser support staff indang osang tejangja) indang osang tejangja March 26 nü tashi nungbo pei Chief Medical Officer nem agütsütsü tuyuogo.
Ambulance amshirtemi garitem ajak senzütettsüsa yanglushir ayutsüla. Chief Medical Officer temi osang agütsüba mapang ambulance personnel tem training yoktsü renema alitsüla.
Tetuyuba sülen manidakertem Epidemic Disease Act, 1897 kübok tapet temerenshi agütsütsü. Iba tetuyuba ya tensa apir melenshiyonga aotsü.