Sali metzü metsütsü nokdanger

Dimapur, Metsüremi/March 23 (TYO): COVID-19 tashidak nungi jenboa alitsü asoshi lokti aser kija merekmejua alitsü kanga nüngdaka kümogo anungji iba tashidak nokdangtsü asoshi masüba yimyatem nokdangtsü kanga nüngdaker. Lokti nung metzü metsüba ajanga tashidak tali prokshia yoktsü akok.
Anungji nüburtem healh aser kümzüka toktsütsü asoshi riju balala aser lokti adenshidak Paan/Tamul, amala chir metzü memetsütsü tenokdangba agütsür. Aibelenertem temzüng ozüng kübok tapet temerenshi agütsütsü.