Dimapur DC-i tetuyuba kar agütsür

Dimapur, March 23 (TYO): Külen, Dimapur Deputy Commissioner, Anoop Khinchi, IAS-ia tanga sangdong ka nung Novel Corona Virus (COVID-19) prokshiba azüoktsü atema tetuyuba kar agütsüogo.
Dimapur nung aliba Government Health care centers aser nija mozü ki ajak nung “FLU – CORNER” mesüra “TRIAGE” point lapoktsü aser tashidak memenashitsü atema hospital attendants ka ka dang yoktsüla, ta Dimapur DC-i ashi.
Maneni, private hospital /health care centers-i District Rapid response team (RRT) den yariteptsü atema internal Rapid Response Team (RRT) ama medical officer ka ka yoktsü atema paisa ashi.
Nüngdak melira, public-i mozü kidangi maotsüla aser private /Government hospital-i aotsüsa kümra, shiranger den nisung ka dang anidaktsüla, ta DC Anoop Khinchi-isa metetdaktsü.