State nung LPG cylinder peria lir

Dimapur, Metsüremi/March 24 (TYO): Dimapur LPG SA, Indian Oil Corporation Limited Achintya Kumar Saikia ajanga sangdong ka nung ashiba agi, COVID-19 tashidak wara prokshiba mechi LPG Cylinder bushir tali kümogo. Nüburtemi tsübua mebilemtsüla, kechiaser market nung LPG cylinder peria lir, ta ashi.
State ajunga shibangra LPG cylinder mangutsü südi ta nüburtemi tsübua bilemba asoshi pai jangjatsüba mapang, kidang amshiba LPG cylinder ya Essentials Commodities Act, 1955 küboki aiter, anungji tesem ajunga shibangyonga market nung maneni angutsü, ta metetdaktsü.