Mokokchung Chamber of Commerce & Industry-i metetdaktsür

Mokokchung, Metsüremi/March 28, 2020 (TYO): COVID-19 dak sendakba nung tim ketdangsertemi tuyuba sülen anidaktsü asoshi, Mokokchung Chamber of Commerce & Industry (MCCI)-i tanaben Mokokchung nung alirtem dang mepishia metetdaktsüogo.
“Mokokchung nung shishilembartemi teti dang tajungtiba nung nübur tenzüker aser customer nüngdakba ajak peridaktsütsü asoshi onoki meranga inyaker. Alima tesem ajunga nung COVID-19 wara den raraba mapang ka nung, iba virus menatsü metsübui nüburtem tenzüktsü asoshi shishilembartemi dokan lapoker aser ibaji ajanga asen kija den kibong lendongi ayir” ta MCCI-i sangdong ka nung ashi.
“Ajisüaka, onoki teti dang lepshia mepishiyongjia aser metetdaktsüyongjia, tetsübu nung nüburtemi lijaliyongba aser chiyungtsütem alidena ayuba angudang sasa bilemer. MCCI-i shishilembadak nüngdakba osettsüsettem peria yua lir, anungji Mokokchung nung alir nüburtem dang maoksateptsü asoshi mepishia metetdaktsür” ta parnokisa shisem.