Self Declaration COVID-19 Nagaland app sayaogo

Dimapur, March 28 (TYO): Honibarnü Chief Minister Rio-i Health & Family Welfare department indang SELF DECLARATION COVID-19 Nagaland App sayatsüogo.
Health Department-i COVID -19 lendong ajiteta iba app yanglua sayaogo. Iba smartphone app ajanga register asürtem parnok phone indang GPS ajanga reprangtsü aser osang sangoktsütsü.
SELF DECLARATION APP ya March 6, 2020 sülen tangalen nungi aruba nisung ajaki amshitsüla. Item nisungtemi iba app nung tenüng register asütsüla aser ibaji meinyakra Epidemic Disease Act 1897 kübok ozüng merenshitsü.
Android phone amshirtemi nCOVID-19 App ya https://naKalandhealthproiect.on nung app store aser IOS amshirtemi https://www.nagalandhealthproject.org/covid/login-user.php nung download asütsü akok.
Iba app amshidang timtem kar ajurura State Helpline: 7005415243/ 9856071745/ 7005536953 den tongteptsü akok, ta Health & Family Welfare department-i metetdaktsüogo.