Dimapur nung Jain Samaj-i chiyungtsü lema agütsü

Dimapur, Metsüremi/March 29, 2020 (TYO): Coronavirus wara prokshiba mapang tekümdangtsü meratem agitsü asoshi linük nunga maparen ajak shibangtsüba den külemi nisungdak khenyongi mekongshi pila alitsü asoshi tetuyuba agütsüogo.
Item tenokdangba liakasa, Dimapur nung nüburtem tenzüktsü asoshi Jain Samaj indang volunteer temi tasü itta maparen tajung maneni inyakdar, ta Sushil Paharia IPR-i S D Jain Samaj sangdong ka ajanga metetdaktsü.
Honibarnü, Kailash Jhanjhri-i anir anogo pezünububa tashi Marwari Patti meketa alirtem nem chiyuntsütem lema agütsüba dak alia, police, doctor aser nurse den volunteer tem nem chiyungtsü packet 400, süngjanglijang aser tzü lema agüja liasü.
Iba ama tensa ka nung Dimapur Jain Samaj-i nüburtem tem maneni yaritsü, ta President Om Prakash Sethi-i metetdaktsü.