Tir-i 1965 rara nung shilem agirtem jaok

New Delhi, September 22 (Agencies): 1965 küm India-Pakistan raraba sülen küm 50 ajungba ‘Golden Jubilee’ benjungmung amongba dak sentakba nung Mongolbar nü linük Tir, Pranab Mukherjee-i iba rara nung shilem agirtem Rashtrapati Bhavan-i jaoka liasü.
One Rank One Pension (OROP) onük dak sentakba nung lungkak aiter ex-servicemen kari Tiri jaokba sentong nungji maden, ajisüaka iba rara nung shilem agir karibo parnok kibong züngsemtem anir arua iba sentong nung denogo.
Iba sentong nung Tir Mukherjee-i Param Vir Chakra award angur Company Quartermaster, Havildar Abdul Hamid kinüngtsü Rasoolan Biwi, Lt Col AB Tarapore’er jala aser Ashoka Award angur Chaman Lal kinüngtsü Zarine Mahir nunger nem tenüngsang agütsü.Tirisa rara nung shilem agirtem den shisalemsatepa liasü.
Taoba hopta nunga Tir Mukherjee-i Rajpath nung 1965 küm India-Pakistan raraba ‘Shauryanjali’ exhibition semdanga liasü, aser iba mapang nung rara nung shilem agirtemi iba rara indang terasa tatongi shia liasü.