GPRN-i asükhu lemsateper

Dimapur, Metsüremi/March 30 (TYO): Asalu tesem kübok Beisumpuikam yimtsüng nungi Naga Army Kiusumong Battalion nung tenzüker Captain Riakeukam Pame (Naga Army No. IJ-18398) March 27 nü asüba osang angazüka Government of the Peoples’ Republic of Nagalim (GPRN) mang ayimer. Pa Naga lima tenzüktsü asoshi 1997 küm September ita 20 nü züngoksema liasü.
Pai masü tashi Naga nunger matsüngshi tenzükogo. Pa asüba kanga menungraa bilemteter aser pa melener angutsü tasak asütsü. Naga nunger asoshi pai bendanga agüja inyakba atema pa tenüng Naga nunger puti otsü nung teti tetshitsü aser pai taküm tenla agütsüba ajaki menungraa bilemtettsü.
Office of the Longvibu, Naga Army-i, pa nem pai Naga lima asoshi bendanga agüja inyakba temaitsü Major jenjang agütsür.
GPRN-i asür kibong den asükhu lemsateper aser tulusang Tsüngremi pa tanüla tesünep nung anisüngzükdakja ta sarasademtsür, ta MIP, NSCN/GPRN sangdong ka ajanga metetdaktsü.