GPRN-i asür Joseph C Wangsa mangyimer

Dimapur, Metsüremi/March 30 (TYO): Ajungbena aser mapang masüdang Konyak Region kübok Mon yimtsüng nungi Security Task Force (STF) Battalion, Naga Army züngsem (L) Sergeant (Posthumous) Joseph C Wangsa (s/o S Chingyem Konyak), Naga Army No. 45244/19 asüba aoshi Government of the Peoples’ Republic of Nagalim (GPRN) mangyimer, ta MIP, NSCN/GPRN sangdong ka ajanga metetdaktsü. Pa ya Naga linük tenzüktsü asoshi November 15, 2019 nung tenüng züluok.
Pai Naga linük mapang tatsüka tenzükba mapang anokshitsü makokba linük meimba tanüla bener masü tashi nokdak, aser iba atema pa tenüng ya Naga nunger puti otsü nung züluoktsü aser pai Naga nunger asoshi bendanga agütsüba ajak mulung nung alitsü. Pa asüba ajanga tawa adokdaktsüba kanga jangja meteter aser iba tawa nembangtsü tasak asütsü.
Mangyimer kibong den GPRN-i asükhu lemsateper aser Tulusang Tsüngremi pa tanüla tatem maka tesunep nung anisüngzükdakjang ta sarasademtsür, ta sangdong ajangasa ashi.