Administration aser Kalos Society ajanga Pfutsero nung tzü agütsü

Kohima, Metsüremi/March 30 (TYO): Linük ajunga shibangba ajanga Phek district kübok Pfutsero nung tzü agi anünga alirtem nem Additional Deputy Commissioner kübok administration, Kalos Society aser colony nung volunteer temi tanü tzü agütsü.
Kalos Society director Kupelhi Losou-i ashiba agi, linük shibangba matem tashi iba jila nung nüburtem nem tzü agütsütsü.
Kasa mapang Kalos Society ajanga nübutem dang tang ama tensa nung maneni sarasademtsü, maneni yariteptsü, maneni tenzüktsü aser kati ka meimtsü ajungshi.
Nüburtem atema aser nüburtem nem teyari agütsütsü mechi senotsü teyari agütsüba atema Planning & Coordination, Land Revenue aser Parliamentary Affairs Minister, Neiba Kronu dang pelaba parnokisa lemsatep.