NE nisungtem mezüngmeshiba aitsür: AKM

Mokokchung, March 30 (TYO): India yimti balala nung north east region nisungtem mezüngmeshiba aser bendanga amshiba atalokba angashidang Ao Kaketshir Mungdang (AKM)-i kanga süoki ia bielmtsür aser kukua aitsür, ta AKM tir Sb. Nungdokyanger aser tongti zülur Sb. Nekmi Longkumer nati sangdong ka ajanga metetdaktsüogo.
“Iba ama mezüngmeshiba mapa jagi North East-ji India nung shilem ka lir ta nüburtemi angateta maliba tali shisanga sayur”, ta AKM-isa metetdaktsü.
“North East region nungi India yimtitemi oa talisa mozüki balala nung inyaker aika lir aser parnok jagi tang ayimsünga aoba Covid-19 tashitak den rara-a taküm kümzükba nung shilem agidar, ta AKM lenirtemisa ashi.“
“North east region nung aliba state-temi tanga state nungi arua yangi alirtem ajak taküm kümzüka ayutsü asoshi akokba maparen balala inyakdaki, yamaji, tanga state nung alirtemia kasaji north east nüburtem denjia anepalua benshidaktsünür”, ta parnokisa mepishia ashi.
“Mezüngmeshiba aser bendanga amshiba jagibo taneptsü aser telemtetba tajung kecha bener marutsütettsü, anungji, tang mapang ya aseni ajuruba alima wara Covid-19 anema asenok ajak külemi lungjemer raratsü nungdaker”, ta parnokisa shisem